ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់បណ្ដាញព័ត៌មាន PY-News ឲ្យដឹងថា ករណីដាច់ធ្លាក់ជណ្ដើរយោងនៅជាន់ទី១៥នេះ បានបណ្ដាលឲ្យមនុស្ស៤នាក់ស្លាប់ ក្នុងនោះ៣នាក់ស្លាប់នៅកន្លែងកើតហេតុ និងម្នាក់ស្លាប់ពេលបញ្ជូនទៅមន្ទីរពេទ្យ ខណៈម្នាក់ផ្សេងទៀតរងរបួស។

 

 

បើតាមលោកឧត្តមសេនីយ៍ស្នងការបានឲ្យដឹងថា : មនុស្សទាំង៤នាក់ ដែលស្លាប់រួមមាន៖ ទី១៖ ឈ្មោះ វល្ល៌ អាយុ៥៣ឆ្មាំ មានស្រុកកំណើតភូមិ៣ សង្កាត់លេខ៣, ទី២៖ ឈ្មោះ នូ សុីនួន អាយុ៣៣ឆ្នាំ មានស្រុកកំណើតភូមិ៣ សង្កាត់លេខ៣, ទី៣៖ ឈ្មោះ រ៉ាន ភាស់ អាយុ៣៦ឆ្នាំ មានស្រុកំណើតភូមិគោកមន ឃុំគោកមន ស្រុកបន្ទាយអំពិល ខេត្តឧត្តមានជ័យ, ទី៤៖ ឈ្មោះ សយ ម៉ាលីស ភេទស្រី អាយុ៣៨ឆ្នាំ មានស្រុកកំណើតភូមិព្រៃផ្គាំ ឃុំព្រៃផ្គាំ ស្រុកអង្គរបូរី ខេត្តតាកែវ។ ខណៈអ្នករបួសដែលកំពុងសង្គ្រោះឈ្មោះ ហេង សីហា អាយុ២៨ឆ្នាំ មានស្រុកកំណើតនៅខេត្តកំពង់ឆ្នាំង។

បច្ចុប្បន្នសាកសពបានរក្សាទុកបណ្ដោះអាសន្ន នៅសាលតម្កល់សពមន្ទីរពេទ្យបង្អែកខេត្តព្រះសីហនុ ដើម្បីធ្វើនីតិវិធីបន្តទៀត៕